Fotograf qańǵybas adamdardy sýretke túsirip júrip óz ákesin taýyp aldy
ASTANA. QazAqparat - Dıana Kım (Diana Kim) Maýı aralynda boı jetti. Onyń ákesi fotograf bolǵandyqtan ol eń alǵash ret fotoǵa túsirý sheberligin ákesinen úırengen.
Ókinishke oraı, keıinnen onyń ata-anasy aıyrylysyp, Kım týǵan-týysqandarymen, dostarymen birge tura bastaıdy. Osylaısha ákesi men qyzynyń arasy qaq bólinedi. Kım 2003 jyldan bastap, úı-kúıi joq kezbelerdi sýretke túsirý jobasyn qolǵa alady. Al 2012 jyly ol tańǵajaıyp oqıǵaǵa tap bolady. Ol Gonolýlýda qańǵybas adamdardy sýretke túsirip júrgen kezinde óz ákesin kezdeısoq jolyqtyrǵan.
Kım NBC News tele arnasyna bergen suhbatynda: «Men ákemdi kúndiz-túni izdedim. Men ákemdi jolyqtyramyn dep úmittenip júrgenimde ony kósheniń bir buryshynda turǵanyn kórdim. Ol shızofrenııa aýrýyna shaldyqqan. Ol sol qalpy emdelmeı qalyp ketti. Kóshede ákem bireý-mireýmen urysyp jatqan sııaqty bolady. Alaıda, jan-jaǵynda eshkim bolmaıdy», - deıdi.
Kım ýaqyty kele ákesine azyq-túlik ákelip, emdelýin suraǵan. Biraq, ákesi emdelýge 2014 jyly júrek talmasyn alǵannan keıin ǵana kelisedi. Búginderi Kımniń ákesiniń jaǵdaıy bir qalypty. Ol ýaqytyly em qabyldap, tipti jumys isteýge nıettenip júr eken. Ákesi Soltústik Koreıadaǵy januıasyna barýdy josparlap jatqan kórinedi, dep jazady massaget.kz.
