Fotograf bir túsirilim úshin 4 jylyn sý astynda ótkizdi
ASTANA. QazAqparat - Frantsýz fotografy Lýı-Marı Pre (Louis-Marie Preau) jabaıy tabıǵatty túsirýmen aınalysady. Onyń obektıvine aıýlar, buǵy, úki jáne t.b. janýarlar áleminiń ókilderi kirgen.
Ol 15 jyldan astam ýaqyt qundyzdardyń tirshiligin baqylaǵan. Birde Lýı-Marı osy janýarlardyń qatysýymen erekshe oqıǵany esine túsirdi. Fotograf qundyz otbasy múshelerin asyraý úshin butaq, japyraq, tal qabyǵyn qalaı apara jatqanyn tamashalaǵan. Sol sátte Lýı-Marıdiń fotoapparaty bolmaǵan, kórgeni jaıly tek áńgimelep berýine týra kelgen.
Qundyzdyń sý astynda jemin taýyp jeý protsesin baqylaý úshin ol sý astynda júzetin kıimmen ózen túbine súńgip, 2-3 saǵat tapjylmaı jatqan. Onyń bul isinen tek 4 jyldan keıin ǵana nátıje shyqty. Fotograf eresek qundyzdyń sý asty ininde kútip otyrǵan úsh balasyna azyq retinde terek butaǵyn alyp bara jatqan sátin túsirip aldy.
