Forvardtyq satyp alýǵa bólingen 100 mlrd teńgeniń 80 paıyzy ıgerildi - QR AShM
Azyq-túlik kelisim-shart korporatsııasyna forvardtyq satyp alý sheńberinde 371 óndirýshiden 93,7 mlrd teńgeden astam somaǵa 552 ótinim kelip tústi. Sonyń ishinde 80 mlrd teńgege 303 óndirýshiniń 441 ótinimi qarjylandyryldy», - dedi Aýyl sharýashylyǵy mınıstri Erbola Qarashókeev Úkimet otyrysynda.
Onyń aıtýynsha, forvardtyq satyp alý baǵdarlamasy aıasynda Azyq-túlik kelisim-shart korporatsııasyna 100 mlrd teńge bólingen. Al kóktemgi egis jáne egin jınaý jumystaryna 140 mlrd teńge qarastyrylǵan.
«Bul jerde Úkimettin qosymsha 70 mlrd teńge bólgenin atap ótý qajet. Búgingi tańda «Keń dala» baǵdarlamasy aıasynda 84,1 mlrd teńge somasyna 3 myńnan astam aýyl sharýashylyǵy taýaryn óndirýshi qarjylandyryldy.
Osy baǵdarlama boıynsha, onyń ishinde ósimdikti qorǵaý is sharalaryn júrgizýge, sondaı-aq egin jınaý jumystaryna nesıelendirý jalǵasatyn bolady», - dedi vedomstvo basshysy.
Sondaı-aq, ol búgingi Úkimet otyrysynda dıqandar tyńaıtqyshqa jumsaıtyn shyǵynnyń 50 paıyzyn memleket kóterip otyrǵanyn eske saldy.