«Forýmnyń bedeli - Qazaqstannyń bedeli» - respýblıkalyq basylymdarǵa sholý

***

«Keshe Qazaqstan Respýblıkasynyń Prezıdenti Nursultan Nazarbaev Azııadaǵy ózara yqpaldastyq jáne senim sharalary jónindegi keńestiń ІІІ sammıtine qatysý úshin Ystambul qalasyna keldi», dep jazady «Egemen Qazaqstan» gazeti búgingi nómirinde jaryq kórgen «Forýmnyń bedeli - Qazaqstannyń bedeli» degen maqalasynda. Basylymnyń málim etýinshe, keshe keshkisin Qazaqstan Respýblıkasynyń Prezıdenti Nursultan Nazarbaev Túrik Respýblıkasynyń Prezıdenti Abdýlla Gúlmen kezdesken. Kezdesý barysynda Memleket basshylary eki el arasyndaǵy yntymaqtastyqty ári qaraı tereńdetý máselelerin talqylap, sammıttiń kún tártibi boıynsha pikir almasqan. Sondaı-aq osy kúni Qazaqstan basshysy AÓІSShK-niń ІІІ sammıtine kelgen birqatar memleketter basshylary - Iran Islam Respýblıkasynyń Prezıdenti M.Ahmedınejadpen, Palestına Ulttyq Ákimshiliginiń Basshysy M.Abbaspen, Makedonııa Respýblıkasynyń Prezıdenti G.Ivanovpen, Túrkııa Premer-mınıstri Rejep Taıyp Erdoǵanmen kezdesti.

Qazaqtyń qazynasy - qudyretti kúı óneri dúldúlderiniń biri dombyrashy, Qazaqstannyń halyq ártisi Qarshyǵa Ahmedııarov 65 jasqa qaraǵan shaǵynda dúnıeden ozdy. Qazaq mádenıeti orny tolmas qazaǵa dýshar boldy. Osyǵan oraı «Egemen Qazaqstan» gazeti arqyly QR Úkimeti, Atyraý oblysynyń ákimi Bergeı Rysqalıev, senator Qýanysh Sultanov, Ábish Kekilbaıuly, Myrzataı Joldasbekov, Qazaqstannyń eńbek sińirgen qaıratkeri Іlııa Jaqanov, Qazaqstan Kompozıtorlar odaǵynyń tóraıymy Balnur Qydyrbek, al «Aıqyn» basylymy arqyly Qazaqstannyń halyq ártisteri Qaırat Baıbosynov pen Jánııa Áýbákirova, Qazaqstannyń eńbek sińirgen ártisi Aıgúl Úlkenbaeva daryndy kúıshimen baquldasty.

«Egemen Qazaqstan» gazetiniń seısenbilik sanynyń 9, 10, 11, 12-shi betterinde Qazaqstan Respýblıkasynyń densaýlyq saqtaý salasyn damytýdyń 2011-2015 jyldarǵa arnalǵan «Salaýatty Qazaqstan» memlekettik baǵdarlamasynyń jobasy jarııalandy. Bul baǵdarlamanyń jobasymen «Kazahstanskaıa pravda» gazetinen de tanysa alasyzdar.

Maýsymnyń 7-si kúni respýblıka Úkimetiniń basshysy Kárim Másimov jumys saparymen elimizdiń shyǵysynda boldy. QR Premer-Mınıstriniń jumys sapary barysynda keńinen jazylǵan maqala «Egemen Qazaqstan» gazetiniń búgingi sanynda «Úkimet óńirge qoldaý kórsetpek» degen taqyryppen basyldy.

***

Taıaý Shyǵysta taǵy bir janjal oty tutandy. Oqys tutanǵan oqıǵaǵa ázirshe sońǵy núkte qoıylar emes. Mamyrdyń 31-i kúni azanda Izraıldiń áskerı teńiz kúshteri Gaza sektoryna gýmanıtarlyq júk ákele jatqan kemelerge shabýyl jasaǵan bolatyn. Osy jaıtqa oraı «Aıqyn» gazetiniń seısenbilik sanynda «Taıaý Shyǵys taǵy da tas-talqan» degen taqyryppen maqala jarııalandy. Basylymnyń atap ótýinshe, gýmanıtarlyq júk ákele jatqan 6 kemede 700-ge tarta adam bolǵan. Olardyń arasynda quqyq qorǵaýshylar, saıasatkerler, Eýropa parlamentiniń depýtattary, jýrnalıster, tipti Nobel syılyǵynyń ıegeri de, AQSh-tyń Iraktaǵy burynǵy elshisi de bar eken. Júk tıelgen kemelerdiń ekeýi túrikterge tıesili bolatyn. «Túrkııa - AQSh-tyń aımaqtaǵy senimdi odaqtasy, NATO-ǵa múshe, el aýmaǵynda AQSh-tyń ıadrolyq qarýy bar bazasy ornalasqan. Izraıl de sondaı? Barak Obama eki ottyń ortasynda qaldy», dep jazady basylym.

Taıaýda «Folıant» baspasynan Parlament Senatynyń Tóraǵasy Qasym-Jomart Toqaevtyń «On delaet ıstorııý» degen kitaby jaryq kórgen bolatyn. Kitapta ulttyq lıder retindegi erekshe tulǵa N.Nazarbaevtyń el úshin atqarǵan ıgi isteri barysyndaǵy kópshilikke belgisiz oqıǵalar, avtor kýá bolǵan qyzyqty jaıttar men buryn beımálim tarıhı faktiler baıandalady. «Aıqyn» gazeti osy kitaptyń kebir taraýlarynan úzindilerdi «Memleket qurýshy, reformator jáne jasampaz» degen taqyryppen oqyrman nazaryna usynyp otyr.

«Keshe Táýelsizdik saraıynda «AstanaInvest-2010» І Halyqaralyq ınvestıtsııalyq forýmy ótti. Mártebeli jıyndy Astana qalasynyń ákimdigi Qazaqstan Respýblıkasynyń Úkimetimen birlesip uıymdastyrdy», dep jazady «Astana aqshamy» gazeti. Basylymnyń atap ótýinshe, forýmǵa Reseı, Eýropa, AQSh, Ońtústik-Shyǵys Azııa men Parsy shyǵanaǵy elderinen bedeldi qarjy sarapshylary men bıznes-elıta ókilderi, astanalyq ortalyq jáne jergilikti atqarýshy organdar, ulttyq kompanııalar, damý ınstıtýttary, sheteldik kompanııalar, qarjy ınstıtýttary, iri jáne orta bıznes ókilderi qatysqan.

Elorda tórinde ótken alqaly jıyn týrasynda «Egemen Qazaqstan», «Aıqyn», «Alash aınasy» gazetteri de keńinen jazǵan.

Memlekettik merekege aınalǵan Astana kúniniń bastalýyna sanaýly kúnder ǵana qaldy. Aıtýly mereke aǵymdaǵy jyly da 3 kún qatarynan toılanbaqshy. Osyǵan oraı «Astana aqshamy» gazeti qala kúninde jurtshylyqqa tosyn syı bolar tamasha sharalar jaıynda búgingi nómirinde arnaıy maqala bergen. «Astananyń toıyna bıyl reseılik qos juldyz Igor Krýtoı men Dmıtrıı Hvorostovskıı «Dejavıý» kontserttik baǵdarlamasyn tartý etpekshi», dep jazady basylym. Mereke kúnderdegi mádenı sharalarmen gazettiń seısenbilik nómirinen tanysa alasyzdar.

***

«Almaty oblysy, Qarasaı aýdany, Tastybulaq aýylyndaǵy «Aqsaı» Respýblıkalyq balalar aýrýhanasynyń quzyryndaǵy saıabaq jermen jeksen bolyp, múldem joıylyp ketýdiń az-aq aldynda tur. Bul týraly áńgime birazdan beri kóterilip keledi», dep jazady «Alash aınasy» gazeti «Tastybulaqtaǵy qorǵanǵa qorǵaýshy tabylmaı otyr» degen taqyryppen jaryq kórgen maqalasynda. Basylym maqalaǵa tuzdyq retinde birqatar mamandardyń da pikirlerin qosa jarııalaǵan.

«Qytaı azaıyp barady». «Alash aınasy» gazetiniń Sınhýa agentine súıenip habarlaýynsha, 2040 jylǵa deıin Qytaıdaǵy halyq sany taǵy da 135 mıllıonǵa ósedi eken. Alaıda osydan keıin azaıý satysy bastalatyn kórinedi. «Taıaýda el astanasy Beıjiń qalasynda demografııalyq zertteýler aıasyna ótken halyqaralyq sımpozıýmǵa qatysqan atalǵan agenttik el sarapshylarynyń pikirine súıenip, Qytaıdyń demografııalyq jaǵdaıyna toqtalyp ótti. Atalǵan málimdemege sáıkes osy ýaqytta Qytaıda týylýdyń jalpy koeffıtsıenti 1,6-1,8 paıyzdy quraıdy eken. Sóıtip, 2040 jyly qytaı halqynyń sharyqtaý shegi 1,47 mıllıardqa deıin jetetin bolady. Odan keıin halyq sanynyń azaıý úderisi bastalyp, 2050 jylǵa qaraı qytaılyqtardyń sany 1,45 mıllıardqa deıin tómendeıtinge uqsaıdy», dep jazady basylym.

«Alash aınasy» gazetiniń «Dat!» aıdarynda saıası ǵylymdar doktory Zýlfýhar Gaıpovpen aradaǵy suhbat «Jahandanýǵa qarsy turýǵa qaýqar bolarlyq kúsh - ulttyq mádenıet» degen taqyryppen berilgen. Basylym tilshisiniń saýaldaryna tuşymdy jaýap bergen ǵalym «menińshe, túrki áleminiń kókjıegi budan bylaı da keńeıe túsedi. Oǵan barlyq múmkinshilik qarastyrylǵan. Árıne, kedergiler de joq emes. Túrki áleminiń álemdik arenaǵa qaıta kóterilýine Ortalyq Azııanyń memleket basshylarynyń saıasaty kedergi bolyp otyrǵanyn ashyq aıtýymyz kerek», depti.

***

«Reseıdiń eńbek sińirgen ártisi, balerına Anastasııa Volochkova Almatydan balet mektebin ashýdy armandaıdy», dep jazady «Vremıa» gazeti. Ol bundaı nıeti bar ekendigin maýsymnyń 2-si men 6-sy aralyǵynda Abaı atyndaǵy memlekettik akademııalyq opera jáne balet teatrynda ótken 15-shi opera jáne balet óneri halyqaralyq festıvaliniń qorytyndylaý barysynda bildirgen. Maqalanyń tolyq nusqasyn gazettiń seısenbilik sanynan oqı alasyzdar.