Forým: QazaqGaz óziniń gaz salasyndaǵy jańa strategııasyn tanystyrady

ASTANA. QazAqparat – Astana halyqaralyq forýmynda QazaqGaz kompanııasy óziniń gaz salasyndaǵy jańa strategııasyn tanystyrady. Bul týraly atalǵan kompanııanyń Basqarma tóraǵasy Sanjar Jarkeshov aıtty, dep habarlaıdy QazAqparat tilshisi.

«Búgingi forým aıasynda QazaqGaz kompanııasy óziniń gaz salasyndaǵy jańa strategııasyn tanystyrady. Osy oraıda bul salanyń tımdiligin arttyrýǵa yqpal etken qadamdardy jarııalaımyz. Forýmǵa biraz ınfvestor, munaı men gaz salasyndaǵy transulttyq kompanııalar qatysyp jatyr. Jıyn barysynda strategııa qosatyn jańa ıdeıalar aıtylady dep oıdamyz. Bıyl jazda bul strategııany Memleket basshysyna tanystyramyz», - dedi S. Jarkeshev elordada tilshiler suraǵyna jaýap bere otyryp.

Onyń aıtýynsha, atalǵan strategııada QazaqGaz kompanııasynyń qyzmetiniń naqty baǵyty bekitiledi.

«Biz gaz salasynda monopolızator emes, katalızator retinde qyzmet etemiz. Bul turǵyda osy naryqtaǵy basqa da kompanııalar gaz óndirý kólemin kóbeıtkenin qalaımyz. Eń bastysy, Qazaqstannyń resýrs bazasyn keńinen qamtamasyz etýge birlese jumys isteýimiz kerek. QazaqGaz kompanııasy óz aldyna naryqty yntalandyrý maqsatyn qoıyp otyr», - dedi kompanııa basshysy.

Budan buryn habarlanǵandaı, elordada 8-9 maýsym aralyǵynda «Astana halyqaralyq forýmy» ótedi. Halyqaralyq is–shara asa mańyzdy jahandyq máselelerdi sheshýge jáne elaralyq yntymaqtastyqty odan ári damytýǵa baǵyttalǵan.