ForteBank jeke málimetterimdi jarııa etti dep kinálaǵan almatylyq kelinshekke jaýap berdi

ALMATY. QazAqparat - ForteBank almatylyq kelinshek Anna Dmıtrıevıchtiń jeke málimetterimdi jarııa etti degen málimdemesine qatysty resmı jaýap berdi, dep habarlaıdy QazAqparat tilshisi.

Búgin almatylyq Anna Dmıtrıevıch Facebook jelisinde Egov arqyly buryn onyń mekenjaıy men jyljymaıtyn múlik týraly anyqtamany bireý alǵanyn jarııa etken bolatyn. Annanyń ózi bul ýaqytta shetelde oqýda bolǵan.

HQKO qyzmetkerleriniń aıtýynsha, anyqtamalar ForteBank qyzmetkeriniń suraýymen alyndy.

«Bank Annanyń málimdemesin tolyq qoldaıdy jáne jeke bas málimetterin qorǵaý týraly zańnamanyń buzylýyna qarsy. Bul posttan keıin bankte dereý tekserý júrgizildi. Nátıjesinde bankte  aty-jóni sondaı eshbir adam jumys jasamaıtyny anyqtaldy. Al aıtylǵan JShS-nyń bankke esh qatysy joq. Alaıda tekserý jalǵasady. Jaǵdaı jaqyn arada belgili bolady», - dedi banktiń baspasóz qyzmetinen.