ForteBank-tiń jańa Basqarma tóraǵasy taǵaıyndaldy
2021 jyldyń 1 tamyzynan bastap Basqarma tóraǵasynyń mindetterin atqarǵan Sholpan Nurymbet Basqarma tóraǵasynyń orynbasary jáne basqarma múshesi retinde qyzmetin jalǵastyrady.
Reınıs Rýbenıs sońǵy 25 jyl boıy Eýropanyń qarjy naryqtarynda jumys istep keledi, ol kompanııalardy jetekshi oryndarǵa shyǵaratyn tájirıbeli jáne tıimdi basqarýshy tulǵa retinde tanymal. Sońǵy 14 jylda Reınıs Latvııadaǵy eń iri bank Swedbank-te qyzmet atqardy, onyń ishinde 5 jyl Basqarma tóraǵasy qyzmetinde boldy. Sondaı-aq, Reınıs Nasdaq Latvııa dırektorlar keńesiniń múshesi jáne Latvııanyń ortalyq depozıtarııi dırektorlar keńesiniń múshesi boldy. Rýbenıs myrzanyń jetekshiligimen Swedbank komandasy aktıvteri men klıentteriniń sany boıynsha Latvııa naryǵynda kóshbasshy boldy, tsıfrlyq qarjylyq servısterdi sátti engizip, eldiń eń kúshti HR brendin qalyptastyra aldy.
Jańa CEO negizgi strategııalyq baǵyttarǵa – protsesterdiń tıimdiligin arttyrýǵa jáne naryqqa jańa servısterdi jetkizý jyldamdyǵyn arttyrýǵa nazar aýdarady. Klıentter tájirıbesin basqarýdaǵy evolıýtsııa, eýropalyq ınstıtýttyń korporatıvti mádenıetti damytý, sondaı-aq jergilikti jáne jahandyq kompanııalarmen seriktestik baǵdarlamalaryn qurý aldaǵy ózgeristerdiń mańyzdy negizi bolady.
Reınıstiń taǵaıyndalýyna qatysty pikir bildirý barysynda ForteBank majorıtarlyq aktsıoneri Bolat Ótemuratov kelesilerdi atap ótti:
«Reınıstiń joǵary básekeles naryqtarda jetekshi qarjy ınstıtýttaryn qurý jáne edáýir kásibı saraptama jasaý tájirıbesi bar. Reınıs óziniń kópjyldyq mansabynda onyń myqty tusy naryq qatysýshylarymen, retteýshilermen jáne seriktestermen ózara tıimdi qarym-qatynas ornatý qabileti ekenin dáleldedi. Onyń tájirıbesi men kúsh-qýaty bankke óz klıentteri úshin eń jaqsy tutynýshylyq tájirıbe qalyptastyrýǵa kómektesedi jáne búkil komandany tabysqa jeteleıdi»,-delingen habarlamada.
Reınıs Rýbenıs te qyzmetiniń jańa kezeńi týraly oń pikir bildirdi: «Men Forte-niń bir bóligi bolǵanyma qýanyshtymyn jáne aktsıonerlerge kórsetken joǵary senimi úshin alǵys aıtamyn. Men óz tarapymnan banktiń tabysy men árbir klıenttiń ál-aýqatyn nyǵaıtý úshin barlyǵyn isteıtinimdi senimdi túrde aıtqym keledi. Búginnen bastap biz Forte-ni klıentterdiń senimi men súıispenshiligine ıe eýropalyq bank retinde qalyptastyramyz»,-dedi.
