ForteBank Home Credit Bank jáne HomeITTech kompanııasyn satyp alýǵa ruqsat aldy
ASTANA. KAZINFORM – Qarjy naryǵyn retteý jáne damytý agenttigi «ForteBank» AQ-na «Home Credit Bank» AQ men «HomeITTech» JShS-in enshiles uıym retinde satyp alýǵa ruqsat berdi.
Vedomstvo habarlamasyna sáıkes, kelesideı basqarma qaýlylary bekitildi:
- 2025 jylǵy 31 qazandaǵy №68 qaýly - «ForteBank» aktsıonerlik qoǵamyna «Home Credit Bank» aktsıonerlik qoǵamynyń enshiles uıymyn satyp alýǵa ruqsat berý týraly»;
- 2025 jylǵy 31 qazandaǵy №69 qaýly - «ForteBank» aktsıonerlik qoǵamyna «Home ITTech» jaýapkershiligi shekteýli seriktestiginiń enshiles uıymyn satyp alýǵa ruqsat berý týraly».
– Búgin Home Credit Bank Kazakhstan damýynyń jańa kezeńi bastalady. Bank Qazaqstanda 20 jyl boıy jumys istep keledi. Osy ýaqyt ishinde biz mıllıondaǵan qazaqstandyqqa kúndelikti máselesin sheshýge jáne úlken maqsatqa jetýge kómektesetin turaqty qarjy ınstıtýtyn qalyptastyrdyq. Bul oqıǵa klıentterimiz úshin mańyzdy, sebebi bul jańa sapaly qyzmettiń paıda bolýyna jáne banktiń odan ári ósýine yqpal etedi, - dedi «Home Credit Bank» AQ basqarma tóraǵasy Kırıl Bachvarov.
Eske sala ketsek, bıyl maýsymda «ForteBank» AQ «Home Credit Bank» AQ-nyń 100% aktsııasyn satyp alǵanyn habarlaǵan bolatynbyz.