Fort-Shevchenko qalasynda órt saldarynan eki bala shetinedi
ASTANA. Naýryzdyń 9-y. QazAqparat - Mańǵystaý oblysynyń Fort-Shevchenko qalasynda dúısenbi, naýryzdyń 8-i kúni jekemenshik turǵyn úıde bolǵan órttiń saldarynan eki bala shetinedi,
dep habarlaıdy tótenshe jaǵdaılar vedomstvosynan.
Mınıstrliktiń baspasóz qyzmetiniń málimetteri boıynsha, keshe saǵat 16.47-de Qyzylbaev kóshesindegi jeke turǵyn úılerdiń birinde órt bolǵan. Oqıǵa saldarynan ıis tıip ýlanyp qalǵan bes jasar ul bala men tórt jasar qyz bala aýrýhanaǵa tústi, olar esterine kelmesten kóz jumdy.
Tilsiz jaý órt sóndirý qyzmetiniń: 5 adam jáne 1 tehnıkanyń kúshimen sóndirildi.
