«Formýla-1» jarysynyń kezeńi Ázirbaıjanda ótkizilmek
ASTANA. QazAqparat - «Formýla-1» mashınalary sanatyndaǵy avtojarystary boıynsha álem chempıonatynyń basshysy Bernı Ekklstoýn atalǵan dodanyń bir kezeńin Ázirbaıjannyń astanasy Bakýde ótkizý úshin tıisti kelisimshartqa qol qoıdy, dep jazady Ýtro.rý.
Bul jarys 2015 jyly nemese 2016 jyly ótedi. «Ázirbaıjanda jarys 2015 jyly ótkiziletini aıtylýda. Múmkin bul ýaqyt erterek bolar dep oılaımyn. Alaıda, doda kezeńiniń 2016 jyly ótkizilýiniń múmkindigi joǵary», - deıdi Ekklstoýn.
Búginde «Formýla-1» chempıonatynyń kúntizbesi 19 kezeńnen turady, biraq ta aldaǵy ýaqytta onyń kezeńderin jylyna 22 -ge deıin jetkizý josparlanyp otyr. Atap aıtqanda, osy jarystyń jeke Gran-prıin ótkizýge úmitkerlerdiń arasynda Ázirbaıjannan bólek, Taıland, Ońtústik Afrıka Respýblıkasy, Grekııa, Argentına jáne Meksıka elderi bar.
