«Formýla-1» Qytaı gran-prıi koronavırýsqa baılanysty belgilengen ýaqytta ótpeıtin boldy

NUR-SULTAN. QazAqparat – Shanhaıda 17-19 sáýirde ótýi tıis «Formýla-1» mashınalar avtojarysynan álem chempıonatynyń kezeńi koronavırýsqa baılanysty belgilengen merzimde ótpeıtin boldy. Bul týraly sársenbi kúni brıtanııalyq Times gazeti jazdy.

Basylymnyń málimetinshe, qazirgi tańda kezeńdi keıinge qaldyrý nemese toqtatý máselesi sheshilip jatyr. Budan buryn uıymdastyrýshylar jarysty sáýirde uıymdastyrý múmkin bolmasa keıinge aýystyrylatyndyǵyn málim etken edi.

«Formýla-1» sport dırektory Ross Braýn osy maýsymdaǵy kezeńdi Qytaıda ótkizýge qyzyǵýshylyq tanytyp otyrǵandaryn atap ótti. Braýnnyń aıtýynsha, «Formýla-1» basshylyǵy Qytaı Gran-prıin jyldyń sońyna qaraı aýystyrýdyń zańdy múmkindigin qarastyrýda, sondaı-aq bul máselede Qytaı bıligi men promoýter óz qorytyndysyn bergenin kútip otyr.

Sońǵy ret «Formýla-1» gran-prıi kezeńi 2011 jyly bolmaı qalǵan edi. Ol Bahreındegi jappaı narazylyq aktsııalaryna baılanysty ótkizilgen joq.