«Formýla-1» eki dúrkin chempıony «Dakarda» apatqa ushyrady
NUR-SULTAN. QazAqparat - «Formýla-1» eki dúrkin chempıony ıspandyq Fernando Alonso Saýd Arabııasynda ótip jatqan «Dakar» rallı-marafonynyń 10-kezeńinde apatqa ushyrady, dep habarlaıdy QazAqparat.
Alonso arnaıy ýchaskeniń 87-shi shaqyrymynda dóńnen sátsiz tústi, ıspandyqtyń avtokóligi eki ret aýdaryldy.
Aıta keteıik, bul «Dakardaǵy» onyń debıýti edi. Alonso men shtýrmany ıspandyq Mark Koma zardap shekken joq, al kóliktiń aldyńǵy áınegi zaqymdanǵan. Motorsport.com portalynyń habarlaýynsha, ekıpaj jarysty áıneksiz jalǵastyryp, sodan keıin tehnıkalyq kómek kóligin kútý úshin toqtaǵan, keıin qaıtadan qozǵalysty jalǵastyra bergen. Aınalymnyń birinshi baqylaý núktesinde Alonso kóshbasshydan 1 saǵat 8 mınýt 16 sekýndqa qalyp qoıdy.
foto: championat.com