«Formýla-1» Bahreın men Saýd Arabııasyndaǵy Gran-prı jarystaryn ótkizýden bas tartýy múmkin
ASTANA. KAZINFORM - Jarystardy toqtatý týraly resmı sheshim áli qabyldanǵan joq. Degenmen ol osy apta sońyna deıin jarııalanýy múmkin. Bul týraly BBC Sport tilshisi Endrıý Benson jazdy.
Bahreındegi Gran-prı 10–12 sáýirge josparlanǵan bolatyn. Al Saýd Arabııasyndaǵy «Formýla-1» kezeńi bir aptadan keıin ótýi tıis edi.
Jarystardy Portýgalııada, Italııada nemese Túrkııada ótkizý múmkindigi qarastyrylǵan. Alaıda uıymdastyrýshylar bul elderde jarysty ótkizýge daıyndalýǵa ýaqyt jetkiliksiz ekenin málimdedi.
Nátıjesinde bıylǵy maýsymdaǵy kezeńder sany 22-ge deıin qysqarýy múmkin.
Sarapshylardyń boljamynsha, Bahreın men Saýd Arabııasy jarysty ótkizý úshin eń joǵary jarnany tóleıtin elder bolǵandyqtan, «Formýla-1» uıymy 100 mıllıon fýnttan astam shyǵynǵa ushyraýy yqtımal.
Osyǵan deıin Rım Papasy Taıaý Shyǵysta atysty toqtatyp, dıalog bastaýǵa shaqyrǵan bolatyn.
