Formýla-1 araǵa 30 jyl salyp Afrıkaǵa oralmaq
ASTANA. KAZINFORM — Afrıkada sońǵy 30 jyldaǵy alǵashqy jarys Rýandadaǵy trassada ótedi, al jarys joly áli salynbaǵan, dep habarlaıdy Anadolu agenttigi.
Afrıka Gran-prıi Formýla-1 álem chempıonatynyń kúntizbesine 2030 jyldardyń basynda engiziledi.
Uıymdastyrýshylardyń málimdemesine qaraǵanda, Formýla-1 Rýandamen qol qoıylǵan on jyldyq kelisim boıynsha 1993 jyldan beri alǵash ret Afrıka qurlyǵyna oralady.
Uzaq merzimdi kelisim boıynsha, alǵashqy jarys Rýandanyń Býgesera aımaǵynda salynatyn trassada ótedi. Jarys jolynyń qurylysy 2030 jyldardyń basynda aıaqtalýy qajet.
Afrıka qurlyǵyndaǵy sońǵy Formýla-1 jarysy 1993 jyly Ońtústik Afrıkada ótken. Sol jarysta frantsýz Alen Prost brazılııalyq Aırton Sennany basyp ozyp, birinshi bolyp márege jetken bolatyn.
Eske sala keteıik, osyǵan deıin Astanada «Formýla-1» trassasy salynýy múmkin ekenin jazǵanbyz.
