«Forex» bırjasynda alaıaqtar treıderlik qyzmetti jeleý etip, qazaqstandyqtardan aqsha bopsalaǵan
ASTANA. QazAqparat - Astana polıtsııasy «Teletrade Central Asia» JShS-dan zardap shekkenderdi izdeýde. Atalǵan kompanııaǵa qatysty asa iri kólemda alaıaqtyq faktisi boıynsha sotqa deıingi tergeý amaldary júrgizilip jatyr.
«Elordalyq ІІD tergeý bólimi «Teletrade Central Asia» JShS-ǵa QR QK 190-baby boıynsha sotqa deıingi tergeý amaldary júrgizilip jatyr. Kompanııa 2014-2016 jyldary «Forex» álemdik qarjy bırjasynyń naryǵynda brokerlik nemese treıderlik qyzmet kórsetýdi jeleý etip, Astana qalasy men ózge aımaq turǵyndarynyń aqshasyn ıemdengen», - dep habarlady elordalyq ІІD baspasóz qyzmetinen.
Vedomstvodan habarlaǵandaı, japa shekkender ınvestorlar retinde «Teletrade Central Asia» JShS treıderlarymen saýda operatsııasyn júrgizý boıynsha kelisimshart jasasqan, olar bırjada ınternet arqyly vırtýaldy saýdany júzege asyrǵan treıderlerge jeke saýda shottarynyń kiltsózin bergen.
Keıin ınvestorlarǵa «Forex» naryǵyndaǵy birqatar qıyndyqtarǵa baılanysty olar shyǵynǵa ushyraǵanyn habarlaǵan.
«Astana q. ІІD «Teletrade Central Asia» JShS qyzmetinen zardap shekkenderden, sonymen qatar atalǵan qylmystyq isti tergeýde qajet aqparatty biletin tulǵalardan 71-62-13, 71-60-10, 8-702-61-27-137, 8-701-465-10-71 telefon nomerlerine habarlasýdy suraıdy», - delingen habarlamada.
