Foreign Policy jýrnaly Pýtındi álemdegi eń bedeldi adam dep tanydy
ASTANA. 4 qańtar. QazAqparat - Foreign Policy amerıkandyq jýrnaly 2012 jyldyń qorytyndysy boıynsha Reseı Prezıdenti Vladımır Pýtındi
álemdegi eń bedeldi adam dep tanydy, dep habarlaıdy Reseı Jańalyqtar agenttigi.
Naqtyraq aıtqanda, Pýtın reıtıngtiń ekinshi ornynda tur, sebebi basylym birinshi oryndy ashyq qaldyrdy. Avtorlardyń pikirinshe, qazirgi álemniń «barlyǵy eń aýyr jáne qaýipti qyr kórsetýleri úshin jaýapkershilikti moınyna júkteýge daıyn taǵy bireýdi tosýda».
Úshinshi orynǵa AQSh Federaldy rezervtik júıesiniń basshysy Ben Bernanke ornalasty. Reıtıngtiń alǵashqy ondyǵyna sondaı-aq Germanııa Kantsleri Angela Merkel, AQSh Prezıdenti Barak Obama, Eýropalyq Ortalyq banktiń tóraǵasy Marıo Dragı, Qytaı Kommýnıstik partııasy OK bas hatshysy Sı Tszınpın, Iran Islam Respýbıtkasynyń bas kóshbasshysy Aıatolla Alı Hameneı, Halyqaralyq valıýta qorynyń basshysy Krıstın Lagard jáne Saýd monarhy Abdalla Ben Abdel Azız Al Saýd endi.
Buǵan deıin álemniń eń bedeldi adamdarynyń tizimin Forbes jýrnaly usynǵan bolatyn. Onda reıtıngtiń kóshbasshysy eki jyl qatarynan Obama boldy, ekinshi orynǵa Merkel, odan keıin Pýtın ornalasty.
