Ford kólikteriniń bólshekteri qyzanaqtan jasalmaqshy
ASTANA. QazAqparat - Ford pen Heinz kompanııalary avtomobıl salonyna qajetti plastmassa almastyrǵysh bólshekterdi jasaýdy birigip qolǵa almaq.
Ketchýptyń 52 túrin shyǵaratyn Heinz kompanııasynda ekologııalyq taza ónimder - kókónisterdiń syrtqy qabyǵy, dánegi jáne qyzanaqtyń sabaqtary barshylyq. Ford kompanııasynyń ınjenerleri osy zattardan kóliktiń salonynyń keıbir bólshekterin almastyra alatyn zat jasap shyǵardy. Qazir ol synaqtan ótýde.
Jańa materıal jeńil ári tózimdi bolyp keledi. Ol eń bastysy munaı ónimderin únemdeıdi jáne qorshaǵan ortaǵa zııany azaıdy. Endi bul bólshekter synaqtan ótse, Mondeo, Fiesta, Focus jáne Galaxy modelderinde qyzanaqtan jasalǵan bólshekter paıda bolmaq.
Aıta keteıik, Ford kompanııasy óziniń kólikterinde kokos talshyqtary men soıadan jasalǵan bólshekterdi oıdaǵydaı paıdalanyp júr.
