«Forbs» jýrnalynyń reıtıngisi boıynsha álemdegi eń baı memleket ataldy
ASTANA. 25 aqpan. QazAqparat - «Forbs» jýrnalynyń nusqasy boıynsha Katar álemdegi eń baı memleket dep tanyldy, dep habarlady ITAR-TASS.
Bedeldi basylym qurastyrǵan reıtıngide jan basyna shaqqanda ortasha jyldyq tabys 88 myń 222 AQSh dollaryn quraǵan Parsy shyǵanaǵyndaǵy kishkentaı arab memleketi birinshi orynǵa shyqty. Bul týraly egıpettik buqaralyq aqparat quraldary habarlady.
Katar barlanǵan tabıǵı gaz qory kólemi boıynsha álemde úshinshi oryn alady, ol álemdik naryqta kómirsýtekterine joǵary baǵa esebinen 2010 jyly edáýir joǵary kóterildi. Katar ekonomıkaǵa orasan zor sheteldik ınvestıtsııalar tarta otyryp, óz ekonomıkasyn ártaraptandyrý jáne shıkizat eksportynan táýeldi bolmaý maqsatynda eldiń ınfraqurlymyn damytýǵa orasan zor qarjy salýda.
Álemniń eń baı 15 eliniń qatarynda arabtyń munaıly monarhııalarynan Birikken Arab Ámirlikteri (jan basyna shaqqanda 47 myń 439 AQSh dollary, 6 oryn), Kýveıt (jan basyna shaqqanda 38 myń 775 AQSh dollary, 15 oryn) kirdi. Álemdegi munaıdyń iri eksporttaýshysy - Saýd Arabııasy «Forbs» jýrnalynyń top-paraǵyna enbeı qaldy.
