«Forbes» jýrnaly Chernogorııany týrıster úshin jaıly elderdiń úshtigine engizdi
ASTANA. QazAqparat - Amerıkandyq «Forbes» qarjy-ekonomıkalyq jýrnaly Chernogorııany 2015 jyly saıahat jasaý úshin úzdik oryn retinde úshtikke engizdi, dep habarlady «Chernogorııa-klýb.rý» saıty.
Maqalada eldiń tamasha oryndaryna sıpattama berilgen. Avtordyń pikirinshe, Chernogorııa kóp ýaqyt boıy kórshiles Horvatııanyń tasasynda qalyp kelgen, degenmen endi oǵan kóńil aýdaratyn kez keldi.
Týrısterdi 180-mıldik jaǵalaý, muzdy kólderi men ózenderiniń taýly landshaftysy beı-jaı qaldyrmaıdy.
Jýrnalda ıÝNESKO-nyń búkilálemdik muralar tizimine engen Dýrmıtor ulttyq saıabaǵy men ejelgi Kotor qalasyna basa nazar aýdarǵan. Chernogorııanyń ádemiligi saıahatshylardy ǵana emes, qonaqúıler jelisin salýǵa yntaly jańa ınvestorlardy da qyzyqtyrary sózsiz. Kóptegen adamdar osy jerden úı-jaı satyp alýǵa da yntaly kórinedi. Týrısterge jaıly kóshbasshylardyń qatarynda Namıbııa men Lıtva elderi de bar. Tanymal «Forbes» jýrnaly 2015 jyly osy úsh elde saıahattaýǵa keńes beredi.
