«Forbes» jýrnaly álemdegi eń baı on áıeldiń tizimin jarııalady
ASTANA. QazAqparat - 8 naýryz merekesi qarsańynda «Forbes» jýrnaly jer betindegi eń baı áıelderdiń tizimin jarııalady. Bul týraly Ýtro.rý jazady.
Bul tizimde birinshi oryndy Wal-Mart búkilálemdik saýda jelisiniń murageri Djon Ýoltonnyń jesiri 59 jastaǵy Krıstı Ýolton alady. Ol $36,7 mıllıardtyń ıegeri. Ol sońǵy ýaqyttary Djeksonda (Vaımong shtaty) elden oqshaýlanyp ómir keshken edi, tek ótken jazda ǵana Imagen Foundation marapatyn alý úshin kópshilik aldyna shyqty. Osylaısha, Ýolton atalmysh tizimde «parfıýmerııa patshaıymy» Lılıan Betankýrdy ekinshi orynǵa syrǵytty. Basylym Lılıannyń baılyǵynyń $34,5 mıllıardty quraıtynyn jarııalady.
Úshinshi oryndy taǵy da Ýolton januıasy ıelendi. Kompanııanyń negizin qalaýshynyń 64 jastaǵy qyzynyń kapıtaly edáýir shamaǵa artqan - ótken jyly ol $26,3 mlrd bolsa, bıylǵy jyly ol $34,3 mıllıardqa jetken. Tórtinshi tuǵyrda aty álemge áıgili Mars kondıterlik kompanııasynyń top-menedjeri Jaklın Mars tur. Ol 1999 jyldan beri eki baýyrymen birge ákesiniń muraǵa qaldyrǵan bıznesiniń ıegeri bolyp tabylady. Qazir «táttiler álemi patshasynyń» qaltasy $20 mıllıardqa qalyń.
Besinshi oryndy alǵan baı áıel Djordjıana Reınhart avstralııalyq temir rýdasy kompanııasyn basqarady. Onyń baılyǵy 17,7 mlrd. dollardy quraıdy. Budan keıingi oryndardy BMW-nyń 12,5% aktsııasyn ıelengen Sıýzanna Klatten, Fidelity Financial Services kompanııasynyń prezıdenti Ebıgeıl Djonson, Cox Enterprises jeke menshik medıakontserniniń aktsıoneri Enn Koks-Chembers, Stıven Djobstyń jesir qalǵan áıeli Loren Paýell Djobs jáne BMW aktsııasynyń 16% paıyzynyń ıegeri Djoanna Kvandt ózara bólisedi.
