Forbes Taıaý Shyǵystaǵy ekonomıkasy damyǵan elderdi atady
ASTANA. 20 aqpan. QazAqparat - Saýd Arabııasynyń ekonomıkasy arab áleminde aldyna qara salmaı keledi. Bul jaıynda «Maktoob» álemge áıgili «Forbes» basylymy júrgizgen ekonomıkalyq zertteý málimetterine súıene otyryp, habar taratty.
muslim.kz saıtynyń jazýynsha, ótken jyly koroldiktiń jalpy ishki ónimi (JІÓ) 5,97 paıyzǵa kóterilgen. ıAǵnı, bul kórsetkishti valıýtaǵa shaqqanda 2012 jyly 266,1 mlrd dollarǵa jetken. Ekonomıkalyq órleýge qol jetkizgen koroldik buryn tarıhynda bolmaǵan deńgeıde bıýdjetin ulǵaıtty. Bıýdjet mólsheri 218,7 mlrd dollardy qurady.
Al ekinshi orynnan kóringen Kýveıttiń JІÓ 2012 jyly 6,3 paıyzdy qurady. Sanmen órnektegende 79,2 mlrd dollar. Odan keıingi orynǵa taban tiregen Birikken Arab Ámirlikterinde 2012 jyly JІÓ 4,04 paıyzǵa kóterilip, 188,5 mlrd dollardy kórsetken.
Afrıka elderiniń arasynda Lıvııanyń ekonomıkasy quldyrap, 2012 jyly JІÓ 33 mlrd dollardy ǵana quraǵan. Al 2011 jyly bul kórsetkish 121,9 mlrd bolǵanyn aıta ketý kerek. «Forbes» jýrnalynyń málimetterine sáıkes, munaı óndirýshi memleketter tabysynyń kóbeıýi aımaqtaǵy qurylys jobalaryn júzege asyrýǵa, ınfraqurylymdy damytýǵa, eldiń turaqty damýyna múmkindik bergen.
Al munaıy joq arab elderiniń ishinen JІÓ boıynsha qarqyndy damýshy Marokko bolyp tabylady. Ondaǵy JІÓ 2,87 paıyzǵa jetip, 81,5 mlrd dollardy quraǵan. Sońǵy orynnan tabylǵan Sýdannyń ekonomıkasy ishki saıası janjaldan, turaqsyzdyqtan zardap shegip otyr.
Alyp arab elderiniń arasynda 2012 jylǵy málimet boıynsha Lıvannyń qaryzy JІÓ-ge shaqqanda 135,2 paıyzǵa jetken. Al Iordanııanyń bereshegi JІÓ boıynsha 72,02 paıyzdy qurap otyr.
