Forbes nusqasy boıynsha Ulttyq hokkeı lıgasynyń eń qymbat klýby - «Nıý-Iork Reındjers»
NUR-SULTAN. QazAqparat – Forbes jýrnalynyń nusqasy boıynsha Ulttyq hokkeı lıgasynyń eń qymbat klýby «Nıý-Iork Reındjers» dep tanyldy. Tıisti reıtıng atalmysh basylymnyń saıtynda jarııalandy, dep habarlaıdy QazAqparat.
Nıý-Iork klýbynyń quny 1,65 mlrd dollar dep baǵalanyp otyr.
Sondaı-aq UHL-nyń eń qymbat klýbtarynyń bestigine «Toronto» ($1,5 mlrd), «Monreal» ($1,34 mlrd), «Chıkago» ($1,085 mlrd) jáne «Boston» ($1 mlrd) engen. Lıga kirisiniń tórtten bir bóligi osy komandalardyń úlesinde. Olar bolmasa UHL 50 mln dollardan aıyrylatyn edi. UHL-nyń chempıony «Tampa» reıtıngtiń 21-shi ornynda ($470 mln). Tizimdi 285 mlrd dollarǵa baǵalanǵan «Arızona» (31-oryn) túıindep tur.
Jalpy pandemııa saldarynan UHL klýbynyń ortasha baǵasy 2%-ǵa, 653 mln dollarǵa deıin azaıǵan. Bul 2001 jyldan beri tirkelgen alǵashqy quldyraý. 2019/20 jylǵy maýsymda lıganyń tapqan tabysy 4,4 mlrd dollar boldy, bul aldyńǵy maýsymmen salystyrǵanda 14%-ǵa az.
