Forbes nusqasy boıynsha eń baı adam anyqtaldy
ASTANA. TASS – QazAqparat – LVMH (Louis Vuitton Moet Hennessy) kompanııalar tobynyń prezıdenti Bernar Arno Forbes jýrnalynyń nusqasy boıynsha 2023 jylǵy eń baı adamdardyń kóshin bastady. Bul týraly QazAqparat basylymǵa silteme jasap.
LVMH basshysynyń tabysy men aktsııalary rekordtyq joǵary dárejede tur. Osylaısha Arnonyń baılyǵy keıingi 12 aıda 53 mlrd dollarǵa ósip, 211 mlrd dollarǵa jetken. Bul mıllıarderler arasyndaǵy eń kóp tabys kórsetkishi.
Buryn kósh basynda turǵan Tesla jáne SpaceX kompanııalaryn basqaratyn jáne Twitter kompanııasynyń ıesi Ilon Mask ekinshi orynǵa tústi. 2022 jylmen salystyrǵanda Mask 39 mlrd dollarǵa deıin joǵaltty. Qazir onyń múlki 180 mlrd dollar dep baǵalanyp otyr.
Úshinshi orynda 114 mlrd dollar qarjysy bar amerıkalyq Amazon korporatsııasynyń negizin qalaýshy Djeff Bezos bar. Buryn Forbes reıtınginde ekinshi orynda turǵan Bezos Amazon aktsııalary 38%-ǵa qulaǵandyqtan 57 mlrd dollaryn joǵaltyp, úshinshi orynǵa tómendedi.
Sonymen qatar jahannyń eń baı adamdarynyń ondyǵyna Oracle korporatsııasynyń negizin qalaýshylardyń ári basshylarynyń biri amerıkalyq Larrı Ellıson ($107 mlrd), amerıkalyq Berkshire Hathaway kompanııasynyń ınvestıtsııalyq qorynyń basshysy Ýorren Baffet ($106 mlrd), amerıkalyq Microsoft kompanııasynyń negizin qalaýshy Bıll Geıts ($104 mlrd), amerıkalyq kásipker jáne saıasatker Maıkl Blýmberg ($94,5 mlrd), meksıkalyq kásipker Karlos Slım Elý ($93 mlrd), úndistandyq Reliance Industries basshysy Mýkesh Ambanı ($83,4 mlrd) men amerıkalyq Microsoft kompanııasynyń burynǵy bas dırektory Stıven Balmer ($80,7 mlrd) endi.
