Forbes mıllıonerlerdiń kóbisiniń turǵylyqty jerin atap berdi
ASTANA. 20 jeltoqsan. QazAqparat - 90 mlrd. dollardan asatyn orasan zor bıýdjettik qaryzdaryna jáne 12 paıyzǵa jetken jumyssyzdyq deńgeıine qaramastan Kalıfornııa AQSh-tyń eń baı shtaty dep ataldy, dep habarlady Forbes jýrnaly juma kúni keshke.
Osy shtatta, Gollıvýd pen Sılıkon alabynyń otanynda baılyǵy 30 mln. dollardan asatyn amerıkandyqtardyń eleýli bóligi qonystanǵan eken. Kalıfornııada olardyń sany shamamen 10 myńdaı otbasy, Al jalpy AQSh-ta olardy sany 55 myń otbasyny quraıdy, dep habarlaıdy RIA Novostı.
Kalıfornııadan keıin qarjynyń shoǵyrlanýy jaǵynan Nıý-Iork, Tehas, Illınoıs pen Florıda tur. AQSh-tyń eń baı-qýatty azamattary osy bes shtatta shoǵyrlanǵan.
Federatsııanyń eń kedeı sýbekti - sıý taıpasynyń úndisteriniń shtaty bolyp sanalatyn Soltústik Dakota. Kanadamen shekaralas jatqan bul shtatta amerıkandyq ólshem boıynsha sýper-baılar qataryndaǵy tek 40 adam turyp jatyr. Baılar qonystanbaǵan shtattar úshtigine sonymen qatar Alıaska men Delaver kiripti.
