Forbes: Maıkl Djekson eń baı adamdar tiziminde taǵy top jardy
ASTANA. QazAqparat - 2009 jyly ómirden ótken ánshi Maıkl Djekson taǵy da Forbes jýrnalynyń kóz jumǵandardyń ishindegi eń baı tanymal adamdar reıtıngisin bastap tur. Bul týraly Rosbalt habarlady.
Djeksonnyń sońǵy jyldaǵy kirisin Forbes 140 mln. dollarǵa baǵalady. Reıtıngtegi ekinshi oryn 1977 jyly ómirden ozǵan Elvıs Preslıge tıesili. Forbes-tyń baǵalaýynsha, Preslı sońǵy jyly 55 mln. dollar paıda tapqan. Úzdik úshtikti amerıkandyq karıkatýrshy-sýretshi Snýpı Charlz Shýlts tuıyqtap tur. Forbes-tyń baǵalaýynsha, ol 40 mln. dollar tapqan. Shýlts 2000 jyly ómirden ótken. 2015 jyly onyń Snýpı týraly komıksine negizdelgen mýltıplıkatsııalyq Peanuts fılmi ekranǵa shyǵady dep kútilýde. Ómirden ótken baı bolǵan juldyzdar tiziminiń alǵashqy ondyǵyna Gollıvýdtyń birneshe tanymal adamdary kirdi. 2011 jyly qaıtys bolǵan aktrısa Elızabet Teılordyń baılyǵy 25 mln. dollarǵa baǵalandy. 1962 jyly ómirden ótken Merlın Monro 17 mln. dollar tapqan. Al Stıv Makkýın men Djeıms Dınniń kirisi sáıkesinshe 9 jáne 7 mıllıon dollardy quraǵan.
