Forbes: Mask 600 mıllıard dollar baılyǵy bar birinshi adam boldy

ASTANA. KAZINFORM — Ilon Mask baılyǵy 600 mıllıard dollardan asqan alǵashqy adam boldy. Bul týraly Forbes habarlady, dep jazdy Report.

Basylym onyń kapıtalynyń ósýin ǵaryshty ıgerýge mamandandyrylǵan SpaceX kompanııasynyń naryqtyq qunyn qaıta qaraýmen baılanystyrady. Tenderlik usynys iske qosylǵannan keıin onyń quny tamyz aıynda 4 400 mıllıardtan jeltoqsanda 8 800 mıllıardqa deıin ósti. Jýrnaldyń baǵalaýy boıynsha osydan keıin SpaceX aktsııalarynyń shamamen 42% ıelik etetin Masktyń baılyǵy 168 mıllıard dollarǵa ósip, 677 mıllıard dollarǵa jetti.

Aldyńǵy rekord ta Ilon Maskqa tıesili. Ol qazan aıynda baılyǵy 500 mıllıard dollardan asqan alǵashqy adam boldy.

Buǵan deıin Ilon Mask Tesla ótemaqysynyń arqasynda álemdegi eń alǵashqy trıllıoner atanýy múmkin ekeni aıtyldy. 

Eske sala keteıik, Ilon Mask tanystyrǵan adamtektes robot Optimus Tesla kórmelerinde, zaýyttarynda jáne túrli sharalarda jıi kórsetilip keledi. Mask bul jobany shoý úshin emes, adamnyń kúndelikti ómirin jeńildetetin tehnologııa retinde qarastyrady.