Forbes kıno juldyzy A. Djolıdi tabysy eń joǵary aktrısa dep atady
ASTANA. 31 shilde. QazAqparat - Amerıkalyq Forbes jýrnalynyń nusqasy boıynsha kıno juldyzy Andjelına Djolı eń joǵary tólenetin gollıvýdtyq aktrısa bolyp ataldy. Bul týraly VVS habarlady.
Basylym aqparatyna qaraǵanda, 2012 jyldyń maýsymy men 2013 jyldyń shildesi aralyǵynda onyń tabysy shamamen 33 mln. AQSh dollaryn quraǵan kórinedi. Forbes-tiń atap ótýinshe, Djolı - Gollıvýdta fılmge túsý úshin kem degen 15 mln. dollar talap etetin az ǵana aktrısalardyń biri.
Djolı Forbes-tiń reıtıngin eki jyl buryn bastaǵan bolatyn, alaıda ótken jyldyń qorytyndysy boıynsha ol tórtinshi orynda edi. Bıyl ol taǵy da gollıvýdtyq bedeldi aktrısa bolyp atandy.
Bul tizimdegi ekinshi orynǵa 22 jasar Djennıfer Loýrens tuǵyrlandy. Ol bir jyldyń ishinde 24 mln. dollar tabysqa qol jetkizgen eken.
