Forbes: Hosep Gvardıola - álemdegi eń tabysty fýtbol jattyqtyrýshysy
ASTANA. QazAqparat - Amerıkanyń tanymal Forbs jýrnaly álemdegi eń kóp jalaqy tólenetin fýtbol jattyqtyrýshylarynyń tizimin shyǵardy. Ondaǵy derek boıynsha, kósh basynda mıýnhendik «Bavarııa» klýbynyń bapkeri Hosep Gvardıola tur, dep jazady ITAR TASS.
Basylymnyń jazýynsha, ıspandyq maman bir maýsymda 24 mln. dollar tabys tabady eken. Ekinshi orynda jylyna 17 mln. dollar kórsetkishimen londondyq «Chelsıdiń» bapkeri portýgal Joze Moýrınıý tur. Úzdik úshtikti jylyna 14 mln. dollar tólenetin "Gýanchjoý Evergrand" Qytaı komandasynyń jattyqtyrýshysy ıtalııalyq Marchello Lıppı túıindeıdi.
