Forbes Gollıvýdtyń paıdasy joq akterlaryn atady
ASTANA. 5 jeltoqsan. QazAqparat - Forbes jýrnaly Gollıvýdtyń paıdasy joq juldyzdarynyń jyl saıynǵy reıtıngin jasady.
Tizimdi jasaqtaý barysynda qandaı da bir akterdyń nemese aktrısanyń qatysýymen túsirilgen sońǵy úsh fılmnen túsken aqsha juldyzdyń bul jobalarda alǵan gonoraryna shaǵyldy.
Aǵymdaǵy jylǵy reıtıngti Eddı Merfı bastady. Kúldirgi ártis kartına avtorlaryna 2,3 dollar tabys ákeldi. Merfıdiń qatysýymen túsirilgen "Predstav sebe", "Tysıacha slov" jáne "Znakomtes: Deıv" fılmderi prokat barysynda salynǵan shyǵyndy aqtamady. Byltyrǵy jyly akter Gollıvýdtyń tym asyra baǵalanatyn juldyzdarynyń reıtıngindi ekinshi bolǵan.
Tizimniń ekinshi qataryna Ketrın Heıgl ornalasty. Onyń qatysýymen túsirilgen "Ochen opasnaıa shtýchka" kartınasy 37 mıllıon dollar ǵana jınaı aldy, kartına bıýdjeti - 40 mıllıon. Heıglge tólengen árbir dollar prodıýserlerge 3,4 dollar ákeldi.
«Oskardy» ıelenýshi Rız Ýızerspýn - úshinshi orynda. Onyń qatysýymen túsirilgen "Kak znat..." lentasy 49 mıllıon dollar jınady, kartına bıýdjeti 120 mıllıon dollar boldy. "Znachıt, voına" fılmine salynǵan 65 mıllıon 157 mıllıon bolyp qaıtip keldi. Ýızerspýnge salynǵan árbir dollar 3,9 dollar ǵana tabys ákeldi.
Asyra baǵalanǵan juldyzdardyń alǵashqy bestigine sondaı-aq Sandra Ballok pen Djek Blek endi.
2011 jyldyń paıdasyz aktrısasy Drıý Berrımor bıyl bul tizimge enbedi. Sebebi sońǵy úsh jylda onyń qatysýymen birde-bir kartına prokatqa shyqpady. Sol ýaqytta aktrısaǵa tólengen qalamaqy fılm avtorlaryna 0,4 dollar paıda ákelgen bolatyn.
