Forbes eń joǵary aqy tólenetin aktrısalardy atady
NUR-SULTAN. QazAqparat - «Amerıkalyq otbasy» (Modern Family, 2009-2020) komedııalyq serıalda somdaǵan róli arqyly tanymal bolǵan kolýmbııalyq Sofııa Vergara Forbes jýrnalynyń nusqasy boıynsha eń joǵary aqy tólenetin aktrısalar reıtıngin bastady, dep habarlaıdy QazAqparat basylym saıtyna silteme jasap.
Forbes derekteri boıynsha 48 jastaǵy Vergara bir jylda 43 mln dollar tabys tapqan.
«Amerıkalyq otbasy» fılmindegi árbir epızodtaǵy túsirilim úshin ol 500 myń dollardan alyp otyrǵan.
Budan basqa aktrısa tóreshi retinde qatysqan «Amerıka talanttardy izdeıdi» (America's Got Talent, 2006-jyldan búgingi kúnge deıin) shoýynyń ár maýsymynda 10 mln dollardan tapty.
Ekinshi oryndy 35,5 mln dollar kirispen amerıkalyq aktrısa Andjelına Djolı enshiledi.
Oǵan eń kóp tabys ákelgen Marvel stýdııasynyń «Máńgilik « (The Eternals) fılmindegi basty ról. Jalpy bıýdjeti shamamen 200 mln dollardy quraıtyn kartına 2021 jyly kórermenge jol tartpaq.
Al úshinshi oryndy jalpy kirisi 31,5 mln dollarǵa jetken ızraıldik aktrısa Gal Gadot ıelendi.
Netflix strımıngtik servısiniń «Qyzyl habarlama» (Red Notice, 2020) fılmine túsken Gal Gadot 20 mln dollar tabys tapty.
Reıtıngke qatysýshylardyń jyldyq kirisi jalpy alǵanda 254 mln dollardy qurady.
