Forbes eń yqpaldy tulǵalardy anyqtady
ASTANA. 17 qańtar. QazAqparat - Forbes jýrnaly kınorejısser Stıven Spılbergti eń yqpaldy tanymal tulǵa dep tanydy. Bul týraly Lenta.ru agenttigi habarlady.
Basylym taratqan aqparatqa súıensek, Spılbergti yqpaldy dep amerıkalyqtardyń 47 paıyzy sanaıdy. Rejısserge bul ataqqa ıe bolýyna «Lınkoln» fılmi kómektesken desedi. Atalǵan kınokartına «Oskar» syılyǵyna 12 atalymmen qatysyp, onyń ekeýi júlde ákelgen bolatyn.
Ótken jyldyń jeńimpazy telejúrgizýshi Opra Ýınfrı ekinshi orynnan tabyldy. Al úshinshi oryndy Spılbergtiń áriptesi Djordj Lýkas ıelendi. Bul reıtıng E-Poll Market Research kompanııasynyń saýalnamasynyń kómegimen toltyryldy. Kompanııanyń E-Score qyzmeti tanymal tulǵalardy 46 sıpaty arqyly anyqtaıdy.
