Forbes eń baı jazýshylardy atady
ASTANA. 12 tamyz. QazAqparat - Forbes jýrnaly eń baı jazýshylardyń jańa tizimin jarııalady, dep jazady Ýtro.rý.
Onda birinshi oryndy osymen úshinshi jyl qatarynan Djeıms Patterson ıemdenip otyr, ol 2011-diń mamyry men 2012-niń mamyry aralyǵynda 94 mıllıon dollar paıda tapqan. Osy ýaqytta onyń jańa 14 romany jaryq kórdi.
Patterson negizinen trıllerler jazady, al ony tanymal etken psıholog Aleks Kross týraly serııaly romandary bolatyn. Sondaı-aq, ol detektıv janry men balalar ádebıetine qalam tartqan qarymdy jazýshy bolyp esepteledi.
Ol 2011-2012 jyldary aǵymdaǵy jyly tapqan tabysynan 10 mln. dollarǵa artyq tapqan bolatyn. Al onyń birinshi satydan túspeı turýyna Hachette Book Group baspa úıimen 2009 jyly jasasqan kelisim sharty sebep bolýda.
Ekinshi orynǵa osy joly darynymen kópti moıyndatqan Stıven Kıng jaıǵasty. Ataqty fantast jazýshy «11/22/63» atty jańa romanyn shyǵardy jáne segiz kitaptan turatyn «Qarańǵy munara» atty kitaptar tsıklyn da oqyrman qaýymǵa tartý etti.
Eń tabysty jazýshylar tizimindegi úshinshi oryndy Djanet Ivanovıch ıelendi. Ol óziniń jazýshylyq karerasyn mahabbat romandaryn jazýmen bastap, 1992 jyly detektıv janryna aýysqan edi. Onyń kitaptarynyń negizgi keıipkeri Stefanı Plam (nege ekeni belgisiz, ol keıipkerdiń prototıpi Robert de Nıro bolyp tabylady). Bir jylda Ivanovıch 33 mıllıon dollar jınady.
