Forbes: bıylǵy eń baı qazaqstandyqtar anyqtaldy
ASTANA. KAZINFORM – Bıyl Forbes tizimine engen Qazaqstandaǵy eń aýqatty adamdar reıtıngi jańardy.
Tizimge engenderdiń jıyntyq kapıtaly 46,6 mıllıard dollardan 57,5 mıllıard dollarǵa deıin ósti, al ortasha jasy 55-ke deıin tómendedi. Birneshe jańa esim tizimde aktıvterin nyǵaıtyp, iri mámileler arqyly ense, turaqty qatysýshylardyń keıbiri aıtarlyqtaı joǵarylady.
Reıtıng kóshbasshysy Vıacheslav Kım bastap tur, onyń baılyǵy 1,3 mıllıard dollarǵa ósip, 7,1 mıllıard dollarǵa jetti. Eń qarqyndy ósimdi Tımýr Týrlov kórsetti, jyl ishinde +2,6 mıllıard dollar tapty, bul reıtıng tarıhyndaǵy absolıýtti rekord. Osylaısha, ol besinshi orynnan ekinshi orynǵa kóterilip, baılyǵyn 5,8 mıllıard dollarǵa jetkizdi. Alǵashqy ondyqqa sondaı-aq Vladımır Kım, Tımýr men Dınara Qulybaevtar, Bolat Ótemuratov, Ibragımovter otbasy, Nurlan Smaǵulov, Sársenovter otbasy jáne Aıdyn Raqymbaev kirdi.
Aýqattylar qataryna jańadan qosylǵandardyń ishinde Andreı Lavrentev erekshe kózge tústi, ol «Karmet» pen Allur tobyn biriktirip, 840 mıllıon dollarmen birden 12-orynǵa kóterildi. Alǵash Forbes tizimine kirgender qatarynda Nurlan Artyqbaev (qurylys jáne telekom), Tórsenǵalı Alagózov (sýsyndar men azyq-túlik), Asqar Baıtasov (ABR meıramhanalar jelisiniń negizin qalaýshy), burynǵy boks chempıony Serik Qonaqbaev (munaı jáne gaz), medıa-kásipker Álıdar Ótemuratov jáne «Olımp» kompanııasynyń negizin qalaǵan Erlan Súleımenov bar.
Jańa tizimniń jasaqtalýy jahandyq ekonomıkanyń túbegeıli transformatsııasy men Qazaqstandaǵy dollarlyq mıllıonerler belsendiliginiń artýy aıasynda ótti. Global Wealth Report 2024 málimetine sáıkes, Qazaqstan baı adamdar sanynyń ósý qarqyny boıynsha álemde aldyńǵy úshtikke engen.
Tizimnen shyqqandar qatarynda Hill Corporation negizin qalaýshy Dýlat Qojamjarov bar (zańsyz alynǵan aktıvterdi qaıtarý tizimine engizilgen), sondaı-aq Eldar Ábdirazaqov, Berik Qanıev, ıÝrıı Pak jáne Raýshan Sagdıeva bar.
Bir aı buryn Forbes-tyń álemdik reıtıngine engen qazaqstandyq mıllıarderler týraly jazǵan edik.