Forbes Angela Merkeldi jyldyń eń yqpaldy áıeli dep atady
NUR-SULTAN. QazAqparat – GFR kantsleri Angela Merkel osymen toǵyzynshy ret qatarynan Forbes amerıkalyq jýrnalynyń nusqasy boıynsha jyldyń eń yqpaldy áıeli dep tanyldy, dep habarlaıdy QazAqparat basylymnyń saıtyna silteme jasap.
Ekinshi orynǵa Eýropalyq ortalyq bank tóraǵasy Krıstın Lagard shyqsa, úshinshi oryn AQSh Kongresi Ókilder palatasynyń spıkeri Nensı Pelosıge buıyrdy. Eýrokomıssııa basshysy Ýrsýla fon der Lıaıen tórtinshi orynǵa jaıǵasty. Eń yńpaldy áıelder bestiginiń tizimin General Motors amerıkalyq avtokólik korporatsııasynyń prezıdenti Merı Barra túıindedi.
Sondaı-aq alǵashqy ondyqtyń tizimine Microsof kompanııasynyń negizin qalaýshy Bıll Geıtstiń
jubaıy, fılantrop Melında Geıts, Fidelity Investments amerıkalyq qarjy korporatsııasynyń basshysy Abıgeıl Djonson, Santander ıspandyq bank dırektorlar keńesiniń tóraǵasy Ana Botın, IBM korporatsııasynyń prezıdenti Djınnı Romettı, Lockheed Martin kompanııasynyń prezıdentiMerılın Hıýson kirgen.
