Forbes alǵash ret krıptovalıýta mıllıarderleriniń reıtıngin jasady
ASTANA. QazAqparat - Forbes basylymy alǵash ret krıtovalıýta operatsııalarymen baıyǵan mıllıarderlerdiń reıtıngin jasady. Oǵan sáıkes, birinshi oryndy fınteh-kásipker men Ripple servısiniń (tólem júıesi úshin krıptovalıýta platformasy) basshysy Krıs Larsen (7,5-8 mlrd dollar) ıelengen, dep habarlaıdy TASS.
Ekinshi orynda 1-5 mlrd dollarmen Ethereum kompanııasynyń negizin salýǵa kómektesken Djozef Lavın, úshinshi orynda - Binance krıtovalıýta bırjasynyń negizin qalaýshy Chanpen Chjao (1,1-2 mlrd dollar) tur.
Forbes atap ótkendeı, tórtinshi oryndy aǵaıyndy Taıler men Kemeron Ýınklvoss enshilegen. Olardyń dáýleti 0,9-1,1 mlrd AQSh dollaryn quraıdy.
Budan bólek, reıtıngke Ethereum kompanııasynyń birlesken quryltaıshysy Vıtalık Býterın kirgen (400-500 mln dollar).
Bul derekter 2018 jyldyń 19 qańtaryndaǵy jaǵdaı boıynsha keltirilgen.
