Forbes: Álemniń eń baı aqshaly alpaýyttarynyń tizimin Meksıka medıamagnaty Karlos Slım bastap tur
ASTANA. 9 naýryz. QazAqparat - Meksıkanyń medıamagnaty Karlos Slım Forbes jýrnalynyń álemniń baı adamdary boıynsha jyl saıynǵy tiziminiń bıiginde boldy.
Bul tizimniń basynda úsh jyl qatarynan turǵan 72 jastaǵy Slımniń qazyna-múligin Forbes taldaýshylary 69 mıllıard dollarǵa baǵalady.
Tizimniń ekinshi jáne úshinshi oryndarynda sondaı-aq úshinshi jyl qatarynan Microsoft-tyń negizin salýshy Bıll Geıts pen qarjyger Ýorren Baffet tur. Ótken 12 aı boıynşa Geıtstiń qazyna-múligi bes mıllıard dollarǵa kóbeıip, 61 mıllıardty qurady. Forbes taldaýshylarynyń málimetterinshe, Baffettiń 44 mıllıard dollary bar.
Jalpy alǵanda Forbes taldaýshylary álemniń 56 elindegi jıyntyq qazyna-múlki 4,6 trıllıon dollardy quraıtyn 1226 mıllıarder bar ekendigin eseptep otyr.
