Forbes álemdegi eń baı blogerler týraly jazdy
ASTANA. QazAqparat - Forbes jýrnaly Youtube-taǵy eń kóp aqy tólenetin vıdeoblogerlerdiń reıtıngin jarııa etti. Bul tizimdi osymen ekinshi ret PewDiePie degen ataýmen tanylǵan 27 jasar Shvetsııa turǵyny Felıks Avrıd Kelberg bastap otyr, dep habarlaıdy ria.ru.
Shvetsııalyq vıdeobloger óziniń «letspleılerimen» (vıdeodaǵy janr túri) tanymal boldy. Ol beıneoıyndardy oınaıdy jáne bir mezgilde ony júrgizip otyrady.
Forbes jýrnalynyń baǵalaýynsha, 2015 jyldyń maýsym aıy men 2016 jyldyń maýsymyna deıin Kelberg 15 mıllıon dollar tabys tapqan. PewDiePie arnasyna 5 mıllıonnan astam ınternet paıdalanýshylary tirkelgen.
Ekinshi orynda Roman Etvýd tur. Ol 8 mılllıon dollar tabys tapty. Bul qarjynyń bir bóligin «Týa bitken qaljyńbastar» fılminiń kádesyılaryn satýdan kórip otyr.
Úshinshi orynda stendap-komık Lıllı Sıngh tur. Onyń jyldyq kirisi 7,5 mıllıon dollardy qurady. Sıngh arnasyna 10,2 mln adam tirkelgen.
Reıtıngke barlyǵy 12 vıdeobloger kirgen. Forbes jýrnalynyń jazýynsha, olardyń barlyǵy birigip, bir jylda 70,5 mıllıon dollardyń basyn qurap otyr.
