Forbes 2019 jyly eń kóp tabys tapqan mıllıarderler tizimin jarııalady
NЬıÝ-IORK. QazAqparat – Forbes jýrnaly sońǵy 12 aıda álemniń ózge aqshaly alpaýyttaryna qaraǵanda kóbirek tabys tapqan mıllıarderler tizimin jarııalady, dep habarlaıdy QazAqparat.
Basylym qyzmetkerleri tabysy 1 mlrd dollardan kem emes 2,2 myń azamattyń málimetterin saralady. Áńgime qarajatyn kompanııalarǵa quıyp,aktsııalary erkin aınalymda júrgen adamdar týraly bolyp otyr. Bulardyń 2018 jyldyń 28 jeltoqsany men bıylǵy 13 jeltoqsan aralyǵyndaǵy aktıv baǵalarynyń ózgeristeri eskerildi.
Basylym osy merzim bes mıllıarder úshin tabysty bolyp, olar 112 mlrd dollarǵa jýyq aqsha tapqanyn málim etti.
Bul tizimge Louis Vuitton Moet Hennessy frantsýz kompanııalar tobynyń tóraǵasy Bernar Arno, amerıkalyq Facebook korporatsııasynyń basshysy Mark Tsýkerberg, ıspandyq Zara saýda jelisiniń ıesi Amansıo Ortega, amerıkalyq Microsoft kompanııasynyń burynǵy basshysy Stıv Balmer, sonymen qatar, Reliance Industries úndistandyq holdıng ıesi Mýkesh Ambanı engen. Arno bul kezeńde 40 mlrd dollar tapqan, onyń jalpy qarajaty 107,7 mlrd dollarǵa deıin artty. Tsýkerbergke tıesili aktıvter 22,1 mlrd dollarǵa ósip, 72 mlrd dollardy qurady. Ortegonyń múlki17,3 mlrd dollarǵa kóbeıip, 74,9 mlrd dollarǵa jetti. Balmerdiki 16,3 mlrd-qa kóbeıip, 56,3 mlrd dollar bolsa, Ambanı múlki 16,1 mlrd-qa ósip, 61,4 mlrd dollarǵa jetti.
