Forbes 2017 jylǵy eń kóp aqy tólengen telejúrgizýshilerdi atady
ASTANA. QazAqparat - Amerıkalyq Forbes jýrnaly 2017 jylǵy eń kóp aqy tólengen tele júrgizýshilerdi atady.
Birinshi oryndy «Doktor Fıl» baǵdarlamasynyń júrgizýshisi, psıholog ári jazýshy Fıl Makgroý enshiledi. Ol 2016 jyldyń 1 maýsymynan 2017 jyldyń 1 maýsymy aralyǵynda 79 mıllıon dollar tapqan.
Ekinshi - Ellen DeDjeneres ($77 mln), al úshinshi orynda - Raıan Sıkrest ($58 mln).
Odan ári tizim boıynsha Djýdıt Sheındlın ($47 mln).
Besinshi oryndy Saımon Koýell ıelendi ($43,5 mln), altynshy - Stıv Harvı ($42,5 mln), jetinshi - Bıll O'Reılı ($37 mln).
Ondyqty tıisinshe Shon Hennıtı ($36 mln), Maıkl Streıhen ($21,5 mln) jáne Haıdı Klým ($21 mln) túıindedi.
