Forbes 2017 jyldyń senimdi aqtamaǵan akterlerin atady
ASTANA. QazAqparat - Amerıkanyń Forbes jýrnaly 2017 jyldyń senimdi aqtamaǵan «úzdik» akterleri tizimin jarııalady. Antıreıtınginiń kósh basynda Mark Ýolberg tur, habarlaıdy QazAqparat jýrnaldyń saıtyna silteme jasap.
Mark Ýolberg alǵan gonorarlar esepti kezeńde 68 mıllıon dollardan asyp jyǵyldy. Bıyl Ýolberg ról somdaǵan úsh fılm kórermenge jol tartty. Olardan akterǵa tólengen gonorardan nebary 4,4 ese kóp bıýdjet jınalǵan. Ekinshi orynda gonorarynyń ár 1 dollary úshin 6,7 dollar ákelgen Krıstıan Beıl tur, al «úzdik úshtikti» Chennıng Tatým (7,6 dollar) túgendedi. Áıgili akterler - Denzel Vashıngton (10,4 dollar) jáne Bred Pıtt (11,5 dollar) TOP-5 tizimine kirdi.
2016 jyly bul reıtınginiń basy Jonnı Deppke «buıyrǵan» bolatyn.
Eske sala ketsek, tamyz aıynda 2017 jyldyń eń kóp aqy tólengen akterleriniń tizimi jarııalanǵan bolatyn .
