Forbes 2017: Eń baı áıelder
ASTANA. QazAqparat - Forbes jýrnalynyń bıylǵy reıtınginde 227 mıllarder áıel bar eken. Bul ótken jylǵymen salystyrǵanda 25 adamǵa kóbirek. Atalmysh tizimge Qazaqstandyq arýlar enbegenmen, kórshi Reseı Federatsııasynyń Elena Batýrına esimdi jalǵyz azamatshasy bar, dep jazady Massaget.kz.
Onyń aqsha qory ótken jolǵymen salytyrǵanda 100 mıllıon dollarǵa azaıyp, qazir jalpy sany 1 mıllıard dollardy qurap otyr. Álemdik reıtıngte Batýrına 1940 orynǵa turaqtaǵan. Tizimge birinshi ret ilikkender qatarynda Qytaı Halyq Respýblıkasynyń Chjoý Tsıýnfeı esimdi azamatshasy bar.
Onyń Lens Technology kompanııasy telefonǵa arnalǵan ekran óndirisimen aınalysady. Bul kásipti bastaý úshin Tsıýnfeı az eńbektenbegen. Qazirgi tańda onyń kompanııasy 9,7 mıllıard dollarǵa baǵalanyp otyr, al, jeke qory 7,7 mıllıard dollardy quraıdy. 14 oryndy L'oreal korporatsııasynyń negizin qalaýshy Ejen Shýlerdiń murageri Lılıan Bettankýr ıelendi. Bul kosmetıkalyq kompanııa arqyly da baıýǵa bolatyndyǵynyń belgisi. 17 orynǵa tanymal Walmart dúkender jelisiniń ıesi Sem Ýoltonnyń Elıs Ýolton esimdi qyzy turaqtady.
Baı bıkeshter tizimine ilikkender qatarynda bizge azdy-kópti tanys tulǵalar osylar ǵana. Mıllıarder áıelder de, sýretshi áıelder sekildi asa tanymal emes bolyp shyqty. Bul genderlik teńsizdikpen baınalysty ma? Biraq, genderlik teńsizdik jurt shýlaǵandaı aıqyn baıqalatyn bolsa, bul bıkeshter kásipker atanyp, oǵan qosa baıyp alar ma edi?!
