Forbes 2012 jyldyń arab álemindegi eń yqpaldy tulǵasyn atady

Ol 2009 jyldan beri osymen tórtinshi jyl qatarynan arab álemindegi eń yqpaldy tulǵasy retinde tanylyp otyr. 2009 jyly ol 9-shy orynǵa jaıǵasqan bolatyn. Ol munaıdyń asa iri qoryna ıelik etetindikten álemdik ekonomıka men saıası protsesterge eriksiz aralasýyna týra keledi. Sol sebepti, yqpaly tulǵalardyń qatarynan tabylyp otyr, dep habarlaıdy muslim.kz.,

Buǵan qosa, korol kóptegen jobalarymen, bastamalarymen keri ketip, kenje qalǵan halqyn alǵa súırep, álemdik ózgeristerde ózindik orny bar aıbyndy, aldyńǵy qatarly elge aınaldyra bildi. Sondaı-aq, soǵys pen tóńkeristen kóz ashpaǵan aımaqtaǵy jaǵdaı ýshyǵyp tursa da elde turaqsyzdyqqa jol bermegeni de onyń bedelin kótergenin aıta ketý kerek.

2012 jyldyń yqpaldy tulǵalaryna qatysty reıtıngte AQSh prezıdenti Barak Obamanyń esimi tizimniń basynda tur. Odan keıin GFR kantsleri Angela Merkeldiń, al úshinshi orynda RF prezıdenti Vladımır Pýtınniń esimderi atalǵan. Ótken jyly besinshi oryndy mise tutqan Bıll Geıts taǵy bir satyǵa kóterilgen. Besinshi orynǵa ótken jyly tórtinshi orynda turǵan Rım Papasy Benedıkt HÚІ jaıǵasqan.

Eń yqpaldy ondyqtyń ishinde AQSh-tyń federaldyq qoryn basqaratyn Ben Bernak (6-oryn) pen Eýropalyq Ortalyq banktiń prezıdenti Marıo Dragıdiń (8-oryn) esimderi júr. Sondaı-aq, bul topqa Qytaı Kompartııasynyń Bas hatshysy ári QHR-dyń bolashaqtaǵy tóraǵasy Sı Tszınpın men Ulybrıtanııanyń premer-mınıstri Devıd Kemeron da qosylǵan.  

Bile júrińiz: Abdolla ıbn Ábdi Áziz ál Saýd 1924 jyly, tamyzdyń 1-i kúni Er-Rııad qalasynda dúnıege kelgen. Ol - korol Ábdi Ázizdiń tuńǵysh uly. 1982 jyldan bastap, taq murageri atanyp, el premeriniń orynbasary bolyp qyzmet atqardy. Ol 2005 jyly, tamyzdyń 1-i kúni taqqa otyrdy. Osylaısha, ol osy eldegi altynshy korol atandy.

Sonymen qatar, onyń esimi álemdegi eń dáýletti bıleýshi retinde belgili. Onyń baılyǵy shamamen 18 mlrd dollardy quraıdy. Koroldiń 11 uly men 8 qyzy bar. Sońǵy ýaqytta densaýlyǵy syr berip júr: oǵan 2 jyl qatarynan 4 ret ota jasaldy.