Fonogrammaǵa toqtaý bola ma - «Egemen Qazaqstan» gazeti
ASTANA. QazAqparat - «QazAqparat» HAA oqyrmandar nazaryna «Egemen Qazaqstan» gazetiniń 1 aqpandaǵy sanyna sholýdy usynady.
«Egemen Qazaqstan» gazetiniń búgingi sany elimizdiń BUU Qaýipsizdik keńesine tóraǵalyq etken bir aıdyń qorytyndysy týraly saraptama materıalmen bastalady. Sondaı-aq bas basylymnyń birinshi betinen «Belsizdik pen bedeýlik» atty maqalany oqı alasyz. Búginde elimizde jańa otaý qurǵan otbasylardyń 15 paıyzy «bedeý» degen aýyr dertti arqalap júr. Jalpy alǵanda elimiz boıynsha 14 myń áıel bedeý, myńnan astam erkek - belsiz eken.
Sondaı-aq bas baǵanda Darhan Ómirbek «Úılený máselesi jańa kózqarasty talap edi» jáne Qarashash Toqsanbaı «Fonogrammaǵa toqtaý bola ma?» atty mańyzdy másele kóterdi.
«Densaýlyq» aıdarynan jýrnalıst Saltanat Qýanyshbekovanyń «Medıtsınalyq týrızm nege qaýqarsyz» saraptama materıaly jarııalandy. Maqalada birneshe problemalyq máseleler kóterilgen.
Sonymen qatar Jýrnalıster odaǵynyń múshesi Saǵyndyq Ordabekovtyń Qazaqstan halyq ártisi, ónertaný ǵylymynyń kandıdaty, horeografııa professory, esimin kópshilikke jumbaq, ony tereń bile bermeıtin, bar ómirin qazaq ónerine arnaǵan talantty bıshi, qazaqtan shyqqan tuńǵysh kásibı baletmeıster týraly jazǵan «Dáýren Ábirov týraly ne bilemiz» atty maqalasyn oqı alasyzdar.
Sport betinen jýrnalıst Phenchhan olımpıadasyna baratyn sportshylardyń tizimimen tanysyp, grýzın fýtbolshysy Djaba Kankava týraly «Qutqarýshy Kankava» atty maqalasyn oqı alasyz.
Gazetimizdiń búgingi sanynan budan basqa da qyzyqty ári mazmundy maqalalar men aqparattarǵa qanyq bolasyzdar.
