Fonbet fýtboldan Qazaqstan kýboginiń tıtýldyq demeýshisi bolady
ASTANA. QazAqparat - Qazaqstannyń kásipqoı fýtbol lıgasy (QKFL) men Fonbet býkmekerlik kompanııasy seriktestiktiń bastalǵany týraly habarlady.
Fonbet Qazaqstan Kýbogynyń tıtýldyq demeýshisi bolyp, týrnır FONBET fýtboldan Qazaqstan kýbogy degen atqa ıe bolady. Kelisimge qol qoıý týraly Qazaqstan Kásipqoı fýtbol lıgasynyń prezıdenti Rohýs Shoh pen Fonbet býkmekerlik kompanııasynyń Qazaqstan Respýblıkasyndaǵy resmı ókili Sergeı Anohınniń qatysýymen ótken baspasóz máslıhatynda aıtyldy.
«Biz Qazaqstannyń kásipqoı fýtbol lıgasynyń osyndaı senimdi jáne iri seriktes ıelengenine óte qýanyshtymyz. Fonbet bul bedeldi, halyqaralyq mártebesi bar, ózin shetelde de, álemniń jetekshi top klýbtarymen de tanytqan tanymal kompanııa. Lıga úshin bul kommertsııalyq jańa damý kezeńi. Bul Qazaqstan kýbogy men sýperkýbogyna qatysýdan túsetin qarjylyq dıvıdendterdi aıtarlyqtaı arttyrady. Biz jańa seriktespen Qazaqstan Kýbogynyń mártebesin de, onyń bedelin de arttyramyz dep senemiz» - dedi Qazaqstan kásipqoı fýtbol lıgasynyń prezıdenti Rohýs Shoh.
QKFL Prezıdenti búginde bettıng kompanııalary búkil álem boıynsha túrli sport túrlerimen yntymaqtasyp, olardyń damýyna kómektesetinin aıtty.
«Bul bizdiń qazaqstandyq fýtbolmen jumys isteýdegi alǵashqy tájirıbemiz. Biz ózimizge senimdimiz. Sondaı-aq elimizde osy sport túriniń senimdi seriktesi bolǵymyz keledi. Biz de, Qazaqstannyń kásipqoı fýtbol lıgasy da birdeı qundylyqtardy ustanamyz. Qabiletterimizge senimdimiz, sebebi búkil álem boıynsha úlken jumys tájirıbemiz ben birqatar iri jobalardy júzege asyrǵan kásibı shtatymyz bar, - dedi Qazaqstandaǵy Fonbet ókili Sergeı Anohın.
Sergeı Anohınniń aıtýynsha, kompanııa jankúıerlerdiń týrnırge degen qyzyǵýshylyǵyn arttyrý úshin baryn salady.
«Fonbet - álemdik bettıngtiń kóshbasshylary. Qazaqstan Kýbogyn da, elimizdiń fýtbolyn da jańa qyrynan kórsetýge barynsha kúsh salamyz. Biz qyzyqty jobalardy daıyndap jatyrmyz. Kýbok fınalyna asa qatty daıyndalamyz. Biz buǵan deıin qazaqstandyq fýtbolda bolmaǵan shoýdy uıymdastyryp jatqanymyzǵa senimdimin», -dedi Qazaqstandaǵy Fonbet ókili.
Onyń aıtýynsha, kompanııa Qazaqstanda málimdelgen maqsattardy iske asyrý úshin, onyń ishinde áleýmettik fýtbol jobalaryna qomaqty qarajat salýǵa daıyn.
Fýtboldan Qazaqstan Kýbogynyń ýáde etilgen jarqyn fınalyn kórermen tamashalaý úshin Sergeı Anohın aıtqandaı, Fonbet qosymsha «ádemi kórinisti» qarjylandyrady.
«Biz túrli telearnalardaǵy áriptestermen jańa habar taratý múmkindikterin usyný jáne Kýbok fınalyn umytylmastaı etý úshin kelissózder júrgizip jatyrmyz. Biz Qazsport negizgi sporttyq telehabar taratýshysymen baılanystamyz jáne telebaǵdarlamany jańǵyrtý, jaqsartý taqyrybynda sóılesemiz. Biz oǵan qosymsha aqsha quıamyz dep aıtqym keledi. Bizde telehabarlardy jaqsartýǵa belgili bir qalaýlar men múmkindikter bar»,-dedi resmı ókil.
Jaqyn arada FONBET Qazaqstan Kýbogynyń matchtary sáýirdiń 19-y elimizdiń 8 qalasynda ótedi.
