«Fon-Von» daýylynan bir adam qaza tapty
ASTANA. QazAqparat - «Fon-Von» tropıkalyq daýyly Taıvan aýmaǵyna jetti. Taıdýn ýezinde 50 jastaǵy áıel sýǵa ketip qaza tapty. Taǵy bir er adam jaraqat alǵan, dep jazady 24.kz.
Tabıǵı apat bolǵan óńirge 50 myń áskerı jumyldyryldy. Qutqarýshylar 1200-den astam turǵyndy qaýipsiz aımaqqa kóshirdi. Aqparat agenttikteriniń habarlaýynsha, 60-qa jýyq reıs keıinge shegerilgen. Keme qozǵalysy da ýaqytsha toqtatylǵan.
Aıta keteıik, dúleı daýyl osydan 4 kún buryn Tynyq muhıtynda paıda bolǵan edi. Fılıppınde daýyl ala kelgen aq jaýynnan Manılla qalasynda birneshe aýdan sý astynda qalyp, 5 adam qaza tapty. Eki myń turǵyn ózge aımaqqa kóshirilgen.
