«Folksvagen» aktsııalary janjal saldarynan kúrt quldyrady
ASTANA. QazAqparat - Nemis avtomobıl alyby «Folksvagenniń» aktsııalary Frankfýrttaǵy saýdanyń bas kezinde zııandy gaz qaldyqtarynyń atmosferaǵa taralýy boıynsha jasalǵan testilerdi jalǵan etý janjalyna baılanysty shamamen 16 paıyzǵa túsip ketken.
Ótken aptada Amerıkanyń Qorshaǵan ortany qorǵaý agenttiginiń ótkizgen tergeýinen keıin kompanııa málimetterdi jalǵan etkenin moıyndap, keshirim surap, ishki tergeýdi bastady. Testileý qorytyndylaryn jalǵan etý AQSh-ǵy dızeldik otynmen júretin jarty mıllıonǵa jýyq kólikke qatysty boldy.
«Folksvagen» 2015 jáne 2016 jyldary shyǵarylǵan birneshe kólik modeli satylymyn toqtatty, biraq olardy qaıta shaqyrtýdy josparlap otyrǵan joq.
Parnıktik gazdardyń atmosferaǵa az shyǵarylýy- «Folksvagen» kompanııasy jarnamasynyń negizi bolǵan. Nemis kompanııasynyń avtomobılderdi satýdan «Toıota» kontserninen ozyp ketýine de osy sebep bolýy ábden múmkin.
Qazirgi kezde kompanııa jalǵan málimetter tıisti bolǵan árbir kóligi úshin aıyppul tóleýi múmkin, bul shamamen 18 mlrd. dollardy quraıdy.
