FlyDubai apat qurbandarynyń otbasylaryna 20 myń dollardan tóleıdi
ASTANA. QazAqparat - FlyDubai avıakompanııasy Dondaǵy Rostovtaǵy avıa apaty qurbandarynyń otbasylaryna kómek baǵdarlamasyn uıymdastyrady, delingen avıatasymaldaýshynyń saıtynda, dep habarlady Bı-bı-sı.
Baǵdarlama aýqymynda qazaǵa ushyraǵan árbir jolaýshyǵa 20 myń dollardan tólenedi.
Bul qarajat qaıǵyly oqıǵa qurbandary otbasylarynyń shuǵyl qarjylyq shyǵyndaryn óteýi tıis.
Budan buryn Rostov oblysynyń gýbernatory Vasılıı Golýbev óz tarapynan qaıǵyly oqıǵa qurbandarynyń týystaryna mıllıon rýblden tóleýge ýáde bergen bolatyn. Rostov oblysy bıýdjetiniń qorynan ótemaqyǵa barlyǵy 41 mıllıon rýbl bólinedi.
Dondaǵy Rostov áýejaıynda jumadan senbige qaraǵan túni týrısterdi qalaǵa jetkizgen FlyDubai ushaǵy apatqa ushyrady. Onyń bortynda 55 jolaýshyny jáne jeti ekıpaj múshesin qosa alǵanda, 62 adam (olardyń 44-i Reseı azamattary) boldy
Ushaq apatqa ushyraǵan jerde TJM izdestirý operatsııasyn júrgizýde, ol jeksenbi kúngi tańǵy saǵat 9-ǵa deıin aıaqtalýy tıis.
Apat saldaryn tekserýmen Reseıdiń Tergeý komıteti jáne Halyqaralyq avıatsııa komıtetiniń sarapshylary aınalysady.
Apatqa ushyraǵan ushaqtyń «qara jáshigi» Máskeýge jetkizildi.
