FlyArystan ushaǵy qustarmen soqtyǵysyp, tekserýden keıin qaıta ushty
ALMATY. KAZINFORM – 2026 jylǵy 24 qańtarda FlyArystan áýekompanııasynyń Almaty – Oral baǵyty boıynsha FS7167 reısi ushaq qustarmen soqtyǵysty.
Ushaq Oral áýejaıyna qonǵan soń, Astanadan ınjenerlik-tehnıkalyq mamandar jiberilip, ushaq pen onyń komponentterin tolyq tekserdi.
Kompanııanyń málimetinshe, barlyq tekserý aıaqtalǵannan keıin ushaq eksplýatatsııaǵa ruqsat alyp, 25 qańtarda saǵat 01:17-de Oral – Almaty baǵyty boıynsha qaıta ushyp shyqty.
Keshiktirilgen reıstiń jolaýshylaryna ystyq sýsyndar men tamaq berildi, sondaı-aq 33 jolaýshy suranys boıynsha qonaqúıge ornalastyryldy.
– Jolaýshylar men ekıpajdyń qaýipsizdigi – basty basymdyq. Barlyq shara avıatsııalyq qaýipsizdik pen tehnıkalyq eksplýatatsııa talaptaryna sáıkes qatań oryndaldy, - delingen habarlamada.
Eske salaıyq, buǵan deıin Qazaqstan aspanynda sheteldik eki ushaq soqtyǵysa jazdaǵanyn jazǵanbyz.