FlyArystan Petropavldan Almatyǵa áýe reısin ashty
PETROPAVL. QazAqparat – Petropavlda FlyArystan áýe kompanııasy Almatyǵa áýe reısin ashty. Eki qala arasyndaǵy birjaqty baılanys quny 10 myń teńgeden bastalmaq, dep habarlaıdy QazAqparat tilshisi.
FlyArystan baǵdaryn keńeıtip, ushý kestesine Petropavl qalasyn qosty. Almatyǵa alǵashqy áýe reısi 13 naýryz kúni jasalady. 10 myń teńge tólep, 2 saǵat 10 mınýttyń ishinde ońtústik qalaǵa jetý múmkin bolmaq.
«Bılettiń baǵasy 10 myń teńgeden bastalady. Baǵasy arzan bolýy úshin birer aı buryn satyp alý qajet. Sondaı-aq, baǵa neǵurlym arzan bolsa – soǵurlym ereje qatań. Mysaly arzan bılet alsańyz, ózińizben birge tek 5 kelige deıin júk ala alasyz. Taǵy bir eskertetin jaıt, bıletti deldaldarsyz kompanııanyń saıtynan alǵan tıimdi», - deıdi FlyArystan áýe kompanııasynyń marketıng jáne satylymdar boıynsha dırektory Janar Jaılaýova.
Búginde kompanııa bir kúnde 28 reıs jasaıdy. Ótken jyldyń mamyr aıynan bastap 900 myń jolaýshyny barar jerine jetkizgen. Petropavldan ushaq aptasyna tórt ret: dúısenbi, sársenbi, juma, jeksenbi kúnderi ushatyn bolady. Airbus A320 laıneri jańa, qoldanysqa berilgenine alty jyldan ǵana asypty. Qazirgi kezde bıletterdiń 20 protsenti satylǵan.
