FlyArystan Pavlodar-Almaty reısiniń nelikten bir táýlikke jýyq keshikkenin túsindirdi
Kompanııa baspasóz qyzmetiniń málimetinshe, 4 maýsym kúni 19:10-da oryndalatyn KC7132 Pavlodar - Almaty reısi óndiristik qajettilikke baılanysty keshikken.
Reıs Pavlodar qalasynyń jergilikti ýaqyty boıynsha 5 maýsym saǵat 14:30-da ushady dep josparlanyp otyr.
Áýekompanııa óndiristik kidiristiń sebebin joıý úshin qoldan kelgenniń bárin jasap jatyr.
«Bul reıstiń jolaýshylary qonaq úıge ornalastyryldy, sýsyn men ystyq tamaq berildi. Biz jolaýshylardan bul qolaısyzdyq úshin keshirim suraımyz jáne biz ushý qaýipsizdigine erekshe nazar aýdaratynymyzdy habarlaımyz» dep málim etti kompanııadan.
Reıs keshikken kezde qoldaý kórsetýdiń mynadaı erejelerin bar:
- Reıs eki saǵattan artyq keshikken kezde:
jolaýshylar alkogolsiz sýsyndar, sondaı-aq bes mınýttan aspaıtyn eki telefon qońyraýyn nemese eki elektrondy poshta habarlamasyn suraı alady.
- Tórt saǵattan artyq keshikkende, ystyq tamaq usynylady.
Sýsyn men taǵam máselesi boıynsha áýejaıdaǵy FlyArystan ókilderine habarlasý kerek.
- Bes saǵattan artyq keshiktirilgende, bir ret tegin áýebılettiń ýaqytyn ózgertý múmkindigi usynylady.
- Bes saǵattan artyq keshiktirilgende, eger qaıta brondaý múmkin bolmasa, jolaýshylar tolyq bılet qaıtarymyn júzege asyra alady.
- Kúndizgi ýaqytta 8 saǵattan artyq jáne túnde 6 saǵattan artyq kidiris bolsa, jolaýshylarǵa qonystanýǵa, sondaı-aq qonystaný jerine deıin jáne keri qaraı transfer qarastyrylady.
Atalǵan másele boıynsha jolaýshylardan FlyArystan ókilderine habarlasýdy suraımyz, barynsha qoldaý kórsetiledi.
